24-25 ნოემბერს, კომპანია “კარტლისის” მხარდაჭერით საქართველოს თხილის მწარმოებელთა ასოციაციის პირველი ყოველწლიური კონფერენცია გაიმართა.კონფერენციას აღნიშნულ სფეროში მომუშავე 400-მდე მცირე და მსხვილი ფერმერი ესწრებოდა. ღონისძიებაზე ასოციაციის ერთი წლის ანგარიში მოისმინეს. საუბარი ასევე შეეხო იმ პრობლემებს, რომელიც თხილის სექტორში დასაქმებულებს გააჩნიათ.
ხშირად, მოსავლის აღებამდე, მედიით ვრცელდება ხოლმე დასეტყვილი ვენახის ან სხვა სტიქიური მოვლენისგან განადგურებული ნარგავების კადრები, რომელიც უდიდესი ზარალია თავდაპირველად ფერმერისთვის, ხოლო შემდეგ ქვეყნის ეკონომიკისთვის.
ფერმერებს მოსავლის მოსაყვანად დიდი ხარჯების გაღება უწევთ, დაწყებული ტექნიკიდან, დასრულებული შეწამვლის ხარჯებით. ის შემოსავალი კი, რაც თავიანთი ნამუშევრიდან უნდა მიიღონ, სამწუხაროდ, წყალში ეყრებათ.
სტიქიური მოვლენებისგან თავის არიდება რთულია, თუმცა შესაძლებელია, მათგან მიღებული ზარალის შემცირება.
კომპანია „კარტლისი“ საქართველოს სხვადასხვა კუთხეში ფერმერებთან უკვე 25 წელია, აქტიურად თანამშრომლობს და მათ სხვადასხვა ნედლეულითა და ტექნიკური საშუალებებით ამარაგებს, სოფლის მეურნეობის დარგების შესახებ დეტალურ და პროფესიონალურ ინფორმაციას აწვდის. დაგროვილმა გამოცდილებამ კომპანიას საშუალება მისცა, თავისი მომხმარებლებისთვის სრულიად განსხვავებული და შეიძლება ითქვას, უპრეცედენტო პროექტი შეეთავაზებინა:
თუ კარტლისის მომხმარებელ ფერმერს მოსავალი უამინდობის გამო დაუზიანდება, კომპანია დაზიანებული ფართობისთვის შეძენილი პროდუქციის თანხას უკან დაუბრუნებს.
„კარტლის აგროსისტემები“ პირველია, ვინც ფერმერებს ამგვარი პროგრამა შესთავაზა და ამით საშუალება მისცა, მოსავალში ჩადებული ინვესტიცია სრულად არ დაეკარგოთ და ამავდროულად, მშვიდად იქნება იმით, რომ მოსავლის დაზიანების შემთხვევაში საწყისი კაპიტალის ნაწილს აუცილებლად შეინარჩუნებს.
აღსანიშნავია, რომ „კარტლის აგროსისტემები“ ფერმერებს მუდმივად უწევს სრულიად უფასო საინფორმაციო დახმარებას“, რომელმაც 2017 წელს აკადემიის სახე მიიღო. „კარტლისის აკადემიამ“ ჩვენი ქვეყნის მასშტაბით უკვე 4500-ზე მეტი ფერმერი გადაამზადა და საშუალება მისცა, წარმატებული ევროპელი და ადგილობრივი სპეციალისტების გამოცდილება გაეზიარებინათ.
პროექტი მეხუთე წელია წარმატებით გრძელდება და აკადემია ფერმერებს საშუალებას აძლევს, მეტი შეისწავლონ თანამედროვე ტექნოლოგიების შესახებ, რომელიც დღეს, ფერმერულ მეურნეობებში გამოიყენება.
„კარტლის აგროსისტემებში“ აცხადებენ, რომ მათთვის მნიშვნელოვანია ინფორმირებული ფერმერი, ევროპის ბევრი წამყვანი ქვეყნის მსგავსად, რაც მცირე ფერმერული მეურნეობას მსხვილ ბიზნესად გადაქცევას უწყობს ხელს.
სხვა სიახლეები
კომპანია “კარტლისის” და ამერიკული კომპანია “Dupont”-ის ინიციატივით, საქართველოს, 14 ივლისს სოფლის მეურნეობის მეცნიერებათა დოქტორი, მაგარაჩის მევენახეობისა და მეხილეობის ნაციონალური, სასწავლო-კვლევითი ინტიტუტის პროფესორი, ელენა სტრანიჩევსკაია ეწვია. პროფესორი ადგილზე გაეცნო მევენახე-ფერმერების პრობლემებს, რის შემდეგაც, მათ თავისი დიდი ცოდნა და გამოცდილება გაუზიარა. 15 ივლისს კი ელენა სტრანიჩევსკაიამ გორში სემინარი გამართა. როგორც ფერმერებმა აღნიშნეს, შეხვედრა ძალიან საინტერესოდ წარიმართა.
ყვარლის რაიონში, 50 ჰექტარ მიწის ფართობზე დამონტაჟდა პივოტური სარწყავი სისტემა. კონსტრუქციისთვის და ძრავისთვის გამოყენებულია ესპანეთის და აშშ-ს მიერ წარმოებული, თანამედროვე, გამძლე, ხარისხიანი მასალა და მექანიზმები. თანამედროვე, პივოტური სარწყავი სისტემა გამოიყენება მარცვლეულ კულტურაში და საშუალებას იძლევა თანაბრად, ერთგვაროვნად მოვრწყათ ფართობი, ვმართოთ მორწყვის პროცესი და შესაბამისად პროდუქციის ხარისხი და რაოდენობა.
გორში, სოფელ კარალეთში, 2015 წლის 1 თებერვლიდან, ფერმერებს კომპანია კარტლისის ახალი სერვის ცენტრი ემსახურება. გორის სერვის ცენტრმა, გახსნიდან საკმაოდ მოკლე დროში, დიდი ნდობა და პოპულარობა მოიპოვა ფერმერებში. ცენტრში დასაქმებული კვალიფიციური პერსონალი, სოფლის მეურნეობის თანამედროვე ტექნოლოგიებთან დაკავშირებით, ფერმერებს უფასო კონსულტაციებს გაუწევს.
2014 წლის სექტემბერში წყალტუბოს მუნიციპალიტეტის, სოფ. ქვიტირში ფერმერთა მომსახურეობის ახალი ცენტრი გაიხსნა. ამ ცენტრის დანიშნულებაა იმერეთის, სამეგრელოს და გურიის რეგიონების ფერმერებისათვის გახადოს ხელმისაწვდომი არამარტო უმაღლესი ხარისხის მცენარეთა დაცვის საშუალებები, სასუქები და სათესლე მასალა, არამედ დაეხმაროს მათ სოფლის მეურნეობაში მოწინავე, თანამედროვე ტექნოლოგიების დანერგვაში.
კომპანია „კარტლისმა“ გარდაბანის რაიონის სოფელ სართიჭალაში ამერიკული კოპანია „პიონერი“-ს წარმოების ჰიბრიდული სიმინდის მოსავლის აღების პრეზენტაცია გამართა.
ახალგაზრდა ფერმერებისთვის პრაქტიკული გამოცდილების შეძენის მიზნით, კომპანია “კარტლის“-სა და საქართველოს საპატრიარქოს შორის 5 ნოემბერს მემორანდუმი გაფორმდა.
“გახდი ფერმერი”- ამ პროექტის ურთიერთთანამშრომლობის მემორანდუმს საპატრიარქოსა და “კარტლისის” წარმომადგენლებმა ხელის სრულიად საქართველოს კათოლიკოს-პატრიარქის ილია მეორის საერთაშორისო საქველმოქმედო ფონდში მოაწერს. ღონისძიებას ახალგაზრდა ფერმერები და მედიის წარმომადგენლები დაესწრნენ.
კომპანია „აგროუ“-მ ბოლნისის რაონში ხახვის უხვი მოსავალი მიიღო. მოსავალმა საადრეო ჯიშებიდან ერთ ჰექტარზე 50 ტონა, ხოლო საგვიანო ჯიშებიდან ერთ ჰექტარზე 77 ტონა შეადგინა.კომპანიის მენეჯმენტის ინფორმაციით, მათ კომპანია „კარტლისის“ მიერ მოწოდებული სათესლე მასალა ჰქონდათ გამოყენებული, მათ შორის ისეთი ჯიშები როგორებიცაა: დაიტონა, მანასი (Bejo) და ჰელენასი (ENZA). კომპანიაში მიიჩნევენ, რომ ხარისხიანმა სათესლე მასალამ და „კარტლისის“ მიერ გაწეულმა კონსულტაციებმა შედეგი გამოიღო და ცუდმა კლიმატურმა პირობებმა მოსავალზე უარყოფითი გავლენა ვერ მოახდინა.
Pages
მაღალი ეთიკური და პროფესიული სტანდარტებით ბიზნესის წარმოებისათვის 2011 წ 14 ივლისს ქ.ვაშინგტონში აშშ-ს კონგრესის სოფლის მეურნეობის დეპარტამენტის შენობაში “კარტლის აგროსისტემებს” გადაეცა სპეციალური ჯილდო, როგორც პესტიციდების დისტრიბუტორ საუკეთესო კომპანიას აღმოსავლეთ ევროპის რეგიონში.
დაგვიკავშირდი
[email protected]
+995 32 244 55 42
+995 32 244 55 43
75გ, კოსტავას ქ.,I სართ. თბილისი 0160, საქართველო
მოგვძებნე
