რუკოლა - სასარგებლო მცენარე, რომელიც ახლა იხვეჭს პოპულარობას
რამდენიმე წლის წინ რუკოლა ჯერ კიდევ უცნობი და საქართველოსთვის ახალი პროდუქტი იყო, ქართველმა ფერმერებმა და მომხმარებელმა ერთდროულად დაიწყეს ამ კულტურის გაცნობა და ის დღეს პოპულარობას საკმაოდ აქტიურად იძენს.
საქართველოში, უმეტეს რეგიონში, რუკოლას მოყვანის კარგი სეზონია გაზაფხული და შემოდგომა, ხოლო სათბურში მისი წარმოება ზამთარშიც შეიძლება მინიმალური გათბობით.
რუკოლა, გრილი სეზონის კულტურაა - ოპტიმალური ტემპერატურული რეჟიმი მისი განვითარებისთვის 10 -20 ცელსიუს გრადუსამდეა, ასეთ დროს ვიღებთ კარგი ხარისხის და გემოს ფოთლებს... 20 გრადუსზე ზევით კი, სწრაფად იწყებს ყვავილის ამოტანას და ასრულებს ფოთლების წარმოებას... სასურველი ნიადაგის PH - 6 - 7 ფარგლებშია.
უყვარს ჰუმუსით მდიდარი მსუბუქი ნიადაგი და საკმაოდ მომთხოვნია წყალზე... მიკრო და მაკრო ელემენტებზე საშუალოდ მომთხოვნია!
მოყვანის ორი მეთოდია გავრცელებული :
ნებისმიერ შემთხვევაში ნიადაგი უნდა დამუშავდეს/გაფხვიერდეს იდეალურად, რადგან პირდაპირი თესვისას პრობლემურია სარეველებთან ბრძოლა, ვინაიდან ისინი რუკოლასთან ერთად აღმოცენდებიან და ზღუდავენ მას, ამიტომ ამ მეთოდით მოყვანისას საჭიროა ხშირი მარგვლა/სარეველების მოცილება.
დაჩითილების მეთოდით მოყვანა სარეველების პრობლემას შედარებით ამცირებს და ეს პრობლემა სრულად ქრება თუ მის დარგვას მოვახდენთ პლასტიკის მულჩზე... პირდაპირი თესვის მანძილებია: რიგებს შორის 30 სმ. მცენარეებს შორის 7-10 სმ. ჩათესვის სიღრმე 5 მმ.
კარგ პირობებში ის აღმოცენდება დათესვიდან მე-4 მე-5 დღეს და აღმოცენებიდან 40 - 45 დღეში იწყება მოსავლის აღება. დაჩითილების მეთოდისას დარგვის მანძილებია: რიგებს შორის 30 სმ. ჩითილებს შორის 15 სმ.
მავნებელ დაავადებებზე რუკოლას დამუშავება, ვეგეტაციის განმავლობაში, საჭიროა დაახლოებით 3 - 4 ჯერ.
რუკოლას მაღალი ხარისხისა და საუკეთესო გემოვნული თვისებების მქონე სათესლე მასალის შეძენა მხოლოდ კარტლისში შეგიძლიათ. ჰოლანდიური კომპანია ენზა ზადენი კარტლისის პარტნიორია და მსოფლიოშ გამოცდილ მაღალი ხარისხის სათესლე მასალას ქართველ ფერმერებს სწორედ კარტლისის მეშვეობით სთავაზობს.
გვეწვიეთ კარტლისში და შეიძინეთ უმაღლესი ხარისხის პროდუქცია!
დეტალური ინფორმაციის მისაღებად გთხოვთ მიმართოთ ჩვენს ფილიალებს ან დაგვიკავშირდეთ ჩვენს facebook-ის გვერდზე: https://www.facebook.com/cartlis
ან ნომერზე: (032) 244 55 41
2018 წლის 14 ნოემბერს, კომპანია „კარტლისის“ ორგანიზებით ქ. ყვარელში, კოტე მარჯანიშვილის სახელობის თეატრში გაიმართა „მევენახეთა ფორუმი, დარგში არსებულ სიახლეებზე“.
ფორუმში ასევე მონაწილეობას იღებდა კომპანია „კარტლისის“ პარტნიორი ბანკი ბაზისბანკი. აღნიშნული ღონისძიება ემსახურებოდა ახალი პროდუქტის შეთავაზებას, რომელიც შეიქმნა ერთობლივად კომპანია კარტლისთან ერთად, რაც ხელს შეუწყობს ფერმერებს, რათა განავითარონ სოფლის მეურნეობა.
მორიგი შეხვედრა კომპანია კარტლისის მიერ შედგა გარდაბანში მესიმინდე ფერმერებთან ერთად, რომელსაც ასევე ესწრებოდნენ პროფესიულ დუალურ პროგრამაში ჩართული სტუდენტები და სამხრეთ აფრიკიდან ჩამოსული სტუმრები!
საუბარი და თემის გაცნობა მოიცავდა სიმინდის მოყვანის თანამედროვე ტექნოლოგიებს, რომელიც დამუშავებულია კომპანია კარტლისის სპეციალისტების მიერ!
კარტლისთან თანამშრომლობით ფერმერები კმაყოფილები არიან,რადგანაც მათი მოსავალი გაიზარდა 50%-ით.
2018 წლის 10 ოქტომბერს, ანაკლიაში საქართველოს მეთხილეობის დარგის განვითარების ფორუმი გაიმართა,რომლის ორგანიზატორი გახლდათ კომპანია კარტლისი, არსებულ ღონისძეიბაზე განიხილეს ფერმერებთან და სპეციალისტებთან ერთად თხილის კულტურაში არსებული პრობლემები და გამოწვევები. ღონისძიების მიზანი გახლდათ, ფართო საზოგადოება გაცნობოდა საქართველოში მეთხილეობის დარგში არსებული პრობლემებს და განეხილათ მათი გადაჭრის გზები,ასევე ფერმერებმა გაუზიარეს ერთმანეთს კომპანია კარტლისის დახმარებით მიღებული შედეგები და მიღწევები.
სათესლე მასალის წარმოებაში მსოფლიო ლიდერები, ჰოლანდიური კომპანიები Enza Zaden და Bejo Zaden ყოველწლიურად მართავენ ღია კარის დღეებს, სადაც მრავალი ქვეყნიდან ჩასული ფერმერები და აგრონომები ეცნობიან ერთმანეთს უზიარებენ თავიანთ ცოდნასა და პრაქტიკულ გამოცდილებას.
ყოველ წელს, კარტლისი პარტნიორ ქართველ ფერმერებს საშუალებას აძლევს გაემგზავრნონ ჰოლანდიაში, მოინახულონ საცდელ-სადემონსტრაციო ნაკვეთები და დაესწრნონ ტრენინგებს.
კარტლისის გორისა და ქუთაისის ფერმერთა მომსახურების ცენტრში, იაპონური კომპანია “ნიჰონის” თანამშრომელმა, ბიოქიმიკოსმა კურიამა კენიმ ტრენინგები ჩაატარა. იაპონელი მეცნიერი კურამა კედი პრეპარატ “ორტუსის” მოქმედი ნივთიერების გამომგონებელი გახლავთ.ქართველ ფერმერებს ქონდათ უნიკალური შესაძლებლობა უშუალოდ გასაუბრებოდნენ მსოფლიოში აღიარებული პრეპარატის შემქმნელს. ტრენინგის მიმდინარეობისას ფერმერება პრეპარატების “ორტუსის” და “აპლაუდის” შესახებ დეტალური ინფორმაცია მიიღეს. შეხვედრამ კითხვა-პასუხის რეჟიმში ჩაიარა
ლაგოდეხში, სოფელ ჭიაურში, 10 ჰექტარ ფართობზე გაშენებულ თხილის პლანტაციაში დამონტაჟდა წვეთოვანი სარწყავი სისტემა.სისტემა მოწყობილია კორპორაცია «Jain Irrigation Systems Ltd.»-ის ისრაელი, ინდოეთი, აშშ) მიერ წარმოებული ხარისხიანი, თანამედროვე, გამძლე მასალებითა და მექანიზმებით. სისტემა მუშაობს გერმანული წარმოების ტუმბოზე, «Wilo» რომელიც გამოირჩევა უმაღლესი ხარისხითა და გამძლეობით.
საქართველოს, სომხეთის და აზერბაიჯანის ბაზრისთვის, სათესლე კარტოფილის გამოცდა აქამდე რუსეთში, კრასნოდარის მხარეში მიმდინარეობდა. 2016 წლის აპრილიდან, დმანისში, კომპანია კარტლისის კუთვნილ სადემონსტრაციო ნაკვეთზე, ამიერკავკასიის რეგიონისათვის განკუთვნილი კარტოფილის 30 ახალი ჯიში დაითესა. მცენარის ვეგეტაციის მთელი პერიოდის მანძილზე, კარტლისის სპეციალისტები აკვირდებოდნენ და უვლიდნენ საცდელ ნაკვეთს.
კომპანია “კარტლისმა” გურჯაანში ფერმერთა მომსახურების ახალი ცენტრი გახსნა. ცენტრში წარმოდგენილია უმაღლესი ხარისხის, ევროპული და ამერკული წარმოების პესტიციდები, სასუქები და სათესლე მასალა. ადგილზე ფერმერებს შეუძლიათ მიიღონ კვალიფიციური კონსულტაცია სოფლის მეურნეობის სფეროსთან დაკავშირებულ ნებისმიერ საკითხზე.
გურჯაანის ფერმერთა მომსახურების ცენტრი მდებარეობს სოფელ გურჯაანში, ყველაწმინდას ეკლესიის ასახვევთან.
მაღალი ეთიკური და პროფესიული სტანდარტებით ბიზნესის წარმოებისათვის 2011 წ 14 ივლისს ქ.ვაშინგტონში აშშ-ს კონგრესის სოფლის მეურნეობის დეპარტამენტის შენობაში “კარტლის აგროსისტემებს” გადაეცა სპეციალური ჯილდო, როგორც პესტიციდების დისტრიბუტორ საუკეთესო კომპანიას აღმოსავლეთ ევროპის რეგიონში.
[email protected]
+995 32 244 55 42
+995 32 244 55 43
75გ, კოსტავას ქ.,I სართ. თბილისი 0160, საქართველო
