ფოთლის ანალიზი

ერთი ფოთლის ნიმუში უნდა წარმოადგენდეს არეალს, რომლის ფართობი არ უნდა აღემატებოდეს 20ჰა-ს. ნიმუშის ასაღებად უნდა შეირჩეს ხეები, რომლებიც იქნებიან დამახასიათებელი საკვლევი ფართობისთვის.

-

თითოეული ფოთლის ნიმუში უნდა შედგებოდეს დაახლოებით 100 ფოთლისგან. საკვლევ ტერიტორიაზე ნიმუშის აღება უნდა მოხდეს 15-20 ხიდან. ხეები უნდა იყვნენ ერთგვაროვანი, უნდა ჰქონდეთ ერთი და იგივე კვების პროგრამა.

თავი აარიდეთ ზრდა დაუსრულებელი ფოთლების აღებას, რადგან მათი ქიმიური შემადგენლობა მუდმივად იცვლება.

ნიმუში არ აიღოთ დაზიანებული, დაავადებული ხეებიდან. აგრეთვე ისეთი ხეებიდან, რომლებიც მდებარეობს ნაკვეთის კიდეებში, ბოლო რიგებში, რადგან ისინი შეიძლება დაბინძურებულები იყვნენ მტვრისა და ნიადაგის ნაწილაკებისგან.

საკვლევ ტერიტორიაზე შერჩეული ხიდან მაკრატლის საშუალებით მოჭერით ფოთოლი. ფოთოლი ვიზუალურად უნდა იყოს ჯანმრთელი, ზრდა დამთვრებული, მავნებლების დაზიანების გარეშე. ერთი ხიდან უნდა ავიღოთ დაახლოებით 4 ფოთოლი , რომლებიც უნდა მდებარეობდნენ ხის ჩრდილოეთ, სამხრეთ, აღმოსავლეთ და დასავლეთ მხარეს.

მოჭრილი ფოთლები უნდა მოვათავსოთ ნიმუშის ასაღებ პაკეტში. სასურველია ნიმუშის ასაღები პაკეტი დამზადებული იყოს ქაღალდიდან. სხვა მასალის გამოყენების შემთხვევაში აუცილებელია ლაბორატორიაში მოწოდებამდე უზრუნველყოთ ფოთლის შერეული ნიმუშის აერაცია.

პაკეტს გავუკეთოთ ეტიკეტი, სადაც მითითებული იქნება ნიმუშის აღების თარიღი, ადგილი, კულტურა და დამკვეთის შესახებ პირადი ინფორმაცია.