კალციუმის როლი მოცვის კვებაში
ყველასათვის ცნობილია რომ მცენარეს ზრდა-განვითარებისათვის ესაჭიროება კვება ძირითადი მაკროელემენტებით, თუმცაღა მოცვის კულტურაში სიახლედ ითვლება ის რომ მოცვის მაღალი, ხარისხიანი მოსავლის მისაღებად აზოტის შემდეგ ყველაზე დიდი რაოდენობით კვებისას ესაჭროება კალციუმი. ეს განაცხადი არაერთი საველე ცდით და დაკვირვებით დასტურდება და სწორედ ეს გამოცდილება ნახა კარტლისის თანამშრომლებმა და პარტნიორმა ფერმერებმა ესპანეთში გადამზადების დროს. ესპანური გამოცდილების საფუძველზე შეგვიძლია თამამად, დასაბუთებულად ვისაუბროთ თუ რამხელა როლი აკისრია ამ ელემენტს მოცვის მოსავლის ხარისხის გაზრდაში.
ცნობილია, რომ კალციუმი მონაწილეობას იღებს უჯრედის კედლის მშენებლობაში, შედეგად განიხილება ისეთ ელემენტად , რომელიც ასტაბილურებს და აძლიერებს უჯრედის კედელს. უჯრედის კედლის ამგვარი გაძლიერება კი ხელს უწყობს ნაყოფის სიმტკიცეს და განაპირობებს შენახვის ვადის გაზრდას. რაც განსაკუთრებით მნიშვნელოვანია საექსპორტოდ პროდუქტის გატანისას, იმისათვის რომ დანიშნულების ადგილზე მისვლამდე პროდუქტმა შეინარჩუნოს საბაზრო ღირებულება. ფერმერებში ხშირია პრობლემა, რომ მოსავლის კრეფისას ნაყოფი რბილია და კრეფის პროცესში ზიანდება, ეს სწორედ კალციუმიანი კვების ნაკლებობით არის გამოწვეული.
მეორე მნიშვნელოვანი საკითხია თუ როდის უნდა ჩავატაროთ კალციუმიანი კვება, რადგან კალციუმი იმ ერთ-ერთ ელემნტთაგანია რომლის შეთვისება აქტიური ტრანსპორტის გზით მიმდინარეობს და მცენარეს მისი ათვისებისთვის მეტი დრო და ენერგია ესაჭიროება. კალციუმიანი კვება უნდა დავიწყოთ მცენარის განვითარების ადრეულ სტადიებზე, რადგანაც მცენარე საკვებ ელემენტებს ძირათადად ფესვიდან ითვისებს, ფესვიდან კვება კალციუმით უნდა დავიწყოთ ყვავილობის დაწყებისას და კალციუმიანი კვება გავაგრძელოთ ნაყოფის დამწიფებამდე.
კარტლისის სპეციალისტებმა და პარტნიორმა ფერმერებმა ესპანეთში საველე ვიზიტის დროს ნათლად ნახეს კალციუმიანი კვების შედეგი-რომელსაც კოდასალ ბერის გამოყენებით აღწევენ. თავად პრეპარატის დასახელებაც კი გვეუბნება, რომ იგი სპეციალურად შექმნილია კენკროვანი კულტურების გამოსაკვებად. მნიშვნელოვანი უპირატესობა ამ პროდუქტის არის დაბალი pH, რადგანაც მოცვი კარგად ვითარდება 4,2-5,2 მჟავიანობის დიაპაზონში კოდასალ ბერიც დაპატენტებულია იმგვარად რომ მისი გამოყენება იდეალურია მჟავე ნიადაგების ფერტიგაციისთვის და არ გვიცვლის ფესვის გარშემო ნიადაგის ან სუბსტრატის მჟავიანობას. გარდა იმისა, რომ კოდასალ ბერით მცენარეს ვკვებავთ კალციუმით, კიდევ ერთი მნიშვნელოვანი მახასიათებელი არის რომ ამცირებს ალუმინის ტოქსიკურობას, რაც მჟავე ბუნების მქონე ნიადაგებში ხშირად არსებული პრობლემაა.
2018 წლის 14 ნოემბერს, კომპანია „კარტლისის“ ორგანიზებით ქ. ყვარელში, კოტე მარჯანიშვილის სახელობის თეატრში გაიმართა „მევენახეთა ფორუმი, დარგში არსებულ სიახლეებზე“.
ფორუმში ასევე მონაწილეობას იღებდა კომპანია „კარტლისის“ პარტნიორი ბანკი ბაზისბანკი. აღნიშნული ღონისძიება ემსახურებოდა ახალი პროდუქტის შეთავაზებას, რომელიც შეიქმნა ერთობლივად კომპანია კარტლისთან ერთად, რაც ხელს შეუწყობს ფერმერებს, რათა განავითარონ სოფლის მეურნეობა.
მორიგი შეხვედრა კომპანია კარტლისის მიერ შედგა გარდაბანში მესიმინდე ფერმერებთან ერთად, რომელსაც ასევე ესწრებოდნენ პროფესიულ დუალურ პროგრამაში ჩართული სტუდენტები და სამხრეთ აფრიკიდან ჩამოსული სტუმრები!
საუბარი და თემის გაცნობა მოიცავდა სიმინდის მოყვანის თანამედროვე ტექნოლოგიებს, რომელიც დამუშავებულია კომპანია კარტლისის სპეციალისტების მიერ!
კარტლისთან თანამშრომლობით ფერმერები კმაყოფილები არიან,რადგანაც მათი მოსავალი გაიზარდა 50%-ით.
2018 წლის 10 ოქტომბერს, ანაკლიაში საქართველოს მეთხილეობის დარგის განვითარების ფორუმი გაიმართა,რომლის ორგანიზატორი გახლდათ კომპანია კარტლისი, არსებულ ღონისძეიბაზე განიხილეს ფერმერებთან და სპეციალისტებთან ერთად თხილის კულტურაში არსებული პრობლემები და გამოწვევები. ღონისძიების მიზანი გახლდათ, ფართო საზოგადოება გაცნობოდა საქართველოში მეთხილეობის დარგში არსებული პრობლემებს და განეხილათ მათი გადაჭრის გზები,ასევე ფერმერებმა გაუზიარეს ერთმანეთს კომპანია კარტლისის დახმარებით მიღებული შედეგები და მიღწევები.
სათესლე მასალის წარმოებაში მსოფლიო ლიდერები, ჰოლანდიური კომპანიები Enza Zaden და Bejo Zaden ყოველწლიურად მართავენ ღია კარის დღეებს, სადაც მრავალი ქვეყნიდან ჩასული ფერმერები და აგრონომები ეცნობიან ერთმანეთს უზიარებენ თავიანთ ცოდნასა და პრაქტიკულ გამოცდილებას.
ყოველ წელს, კარტლისი პარტნიორ ქართველ ფერმერებს საშუალებას აძლევს გაემგზავრნონ ჰოლანდიაში, მოინახულონ საცდელ-სადემონსტრაციო ნაკვეთები და დაესწრნონ ტრენინგებს.
კარტლისის გორისა და ქუთაისის ფერმერთა მომსახურების ცენტრში, იაპონური კომპანია “ნიჰონის” თანამშრომელმა, ბიოქიმიკოსმა კურიამა კენიმ ტრენინგები ჩაატარა. იაპონელი მეცნიერი კურამა კედი პრეპარატ “ორტუსის” მოქმედი ნივთიერების გამომგონებელი გახლავთ.ქართველ ფერმერებს ქონდათ უნიკალური შესაძლებლობა უშუალოდ გასაუბრებოდნენ მსოფლიოში აღიარებული პრეპარატის შემქმნელს. ტრენინგის მიმდინარეობისას ფერმერება პრეპარატების “ორტუსის” და “აპლაუდის” შესახებ დეტალური ინფორმაცია მიიღეს. შეხვედრამ კითხვა-პასუხის რეჟიმში ჩაიარა
ლაგოდეხში, სოფელ ჭიაურში, 10 ჰექტარ ფართობზე გაშენებულ თხილის პლანტაციაში დამონტაჟდა წვეთოვანი სარწყავი სისტემა.სისტემა მოწყობილია კორპორაცია «Jain Irrigation Systems Ltd.»-ის ისრაელი, ინდოეთი, აშშ) მიერ წარმოებული ხარისხიანი, თანამედროვე, გამძლე მასალებითა და მექანიზმებით. სისტემა მუშაობს გერმანული წარმოების ტუმბოზე, «Wilo» რომელიც გამოირჩევა უმაღლესი ხარისხითა და გამძლეობით.
საქართველოს, სომხეთის და აზერბაიჯანის ბაზრისთვის, სათესლე კარტოფილის გამოცდა აქამდე რუსეთში, კრასნოდარის მხარეში მიმდინარეობდა. 2016 წლის აპრილიდან, დმანისში, კომპანია კარტლისის კუთვნილ სადემონსტრაციო ნაკვეთზე, ამიერკავკასიის რეგიონისათვის განკუთვნილი კარტოფილის 30 ახალი ჯიში დაითესა. მცენარის ვეგეტაციის მთელი პერიოდის მანძილზე, კარტლისის სპეციალისტები აკვირდებოდნენ და უვლიდნენ საცდელ ნაკვეთს.
კომპანია “კარტლისმა” გურჯაანში ფერმერთა მომსახურების ახალი ცენტრი გახსნა. ცენტრში წარმოდგენილია უმაღლესი ხარისხის, ევროპული და ამერკული წარმოების პესტიციდები, სასუქები და სათესლე მასალა. ადგილზე ფერმერებს შეუძლიათ მიიღონ კვალიფიციური კონსულტაცია სოფლის მეურნეობის სფეროსთან დაკავშირებულ ნებისმიერ საკითხზე.
გურჯაანის ფერმერთა მომსახურების ცენტრი მდებარეობს სოფელ გურჯაანში, ყველაწმინდას ეკლესიის ასახვევთან.
მაღალი ეთიკური და პროფესიული სტანდარტებით ბიზნესის წარმოებისათვის 2011 წ 14 ივლისს ქ.ვაშინგტონში აშშ-ს კონგრესის სოფლის მეურნეობის დეპარტამენტის შენობაში “კარტლის აგროსისტემებს” გადაეცა სპეციალური ჯილდო, როგორც პესტიციდების დისტრიბუტორ საუკეთესო კომპანიას აღმოსავლეთ ევროპის რეგიონში.
[email protected]
+995 32 244 55 42
+995 32 244 55 43
75გ, კოსტავას ქ.,I სართ. თბილისი 0160, საქართველო
