digital.cartlis.ge - ახალი პლატფორმა გამარტივებული სოფლის მეურნეობისთვის
კომპანია კარტლისი ფერმერთა მხარდასაჭერად გთავაზობთ სიახლეს თანამედროვე
ციფრული სოფლის მეურნეობის განვითარების მიმართულებით. ონლაინ პლატფორმა
digital.cartlis.ge ფერმერებს საშუალებას მისცემს შექმნას თავის კულტურაზე, კლიმატზე,
რეგიონზე და ნაკვეთზე მორგებული კვებისა და დაცვის სქემების. დღევანდელ
რეალობაში ძალიან რთულია მიიღო რჩევა პროფესიონალი აგრონომისგან და ბევრ
წვრილ ფერმერს უშუალოდ ხელი არ მიუწვდებათ ინფორმაციაზე და თავიანთ
მეურნეობაში უშვებენ შეცდომებს. digital.cartlis.ge - ესაა ფერმერის პერსონალური
აგრონომი, რომელიც სთავაზობს მას აგრონომიულ მხარდაჭერას, პროფესიონალი
აგრონომების მიერ წინასწარ მომზადებული სქემების გამოყენებით. ამ პროგრამის
ზურგს უკან დგანან კარტლისის თანამშრომლები, რომლებიც მუდმივ მონიტორინგს
უწევენ ნაკვეთებს, შესაბამისად პროგრამაში არსებული ინფორმაცია მუდმივად
ახლდება და შეესაბამება რეალურ სიტუაციას.
მარტივი სარეგისტრაციო ველის გავლის შემდეგ ფერმერს საშუალება აქვს
დაარეგისტრიროს სისტემაში თავისი ნაკვეთები (შეავსოს მათზე დეტალური
ინფორმაცია), ატვირთოს ანალიზის შედეგები და შექმნას კვებისა და დაცვის სქემები.
აქვე უნდა აღვნიშნოთ, რომ ნაკვეთის ადგილმდებარეობის მითითება ერთ-ერთი
მნიშვნელოვანი ნაწილია, რადგან რეგიონები ერთმანეთისგან კლიმატის მიხედვით
განსხვავდებიან, შესაბამისად მცენარის განვითარებაც განსხვავებულად მიმდინარეობს.
კარტლისის სპეციალისტებს წინასწარ აქვთ გათვალისწინებული თითოეული რეგიონის
კლიმატური მახასიათებელი და ნაკვეთის ადგილმდებარეობის შევსებისას სისტემა ამ
მონაცემებს ავტომატურად ითვალისწინებს.
მცენარეთა დაცვის მოდული- მცენარეთა წამლობის სქემის შედგენისას კულტურისა და
რეგიონის შესახებ ინფორმაციის შევსების შემდეგ ფერმერმა უნდა აირჩიოს
დაანგარიშების მეთოდი: 100ლიტრ წყალზე, 1000ლიტრ წყალზე თუ 1 ჰა-ზე სურს
საჭირო რაოდენობების დაანგარიშება. ამ მონაცემების მითითების შემდეგ სისტემა
ავტომატურად აჩვენებს კულტურის ყველა განვითარების ფაზას და თითოეული
ფაზისთვის დამახასიათებელ მავნე ობიექტებს. თითოეულ მავნე ობიექტზე სისტემა
გვიჩვენებს პროდუქციის ჩამონათვალს, რომელიც ეფექტურად მოქმედებს მასზე.
პროდუქტს გასწვრივ მითითებული აქვს ხარჯვის ნორმა და ღირებულება.
პროდუქტის დასახელებაზე კურსორის მიტანით ჩნდება პროდუქტის შესახებ
ინფორმაცია: მწარმოებელი, წარმოების ქვეყანა. ფერმერს უკვე შესაძლებლობა აქვს
ღირებულების და მახასიათებლის მიხედვით აირჩიოს მისთვის სასურველი პროდუქტი.
მსგავსი მეთოდით ფერმერი ირჩევს მისთვის სასურველ პროდუქციას და სისტემა
ავტომატურად უანგარიშებს როგორც თითოეული ფაზისთვის წამლობის ჯამურ
ღირებულებას, აგრეთვე მთლიანი სეზონისთვის საჭირო პროდუქციის ღირებულებასაც.
გარდა ამისა, ნებისმიერ დროს შესაძლებელია შექმნილ პროგრამაში ცვლილების შეტანა-
რომელიმე პროდუქტის დამატება ან წაშლა. პროგრამის ბოლოს სისტემა აჩვენებს
პესტიციდებისა და სტიმულატორების შემაჯამებელ ცხრილს სადაც მითითებული
სეზონის განმავლობაში რომელი პროდუქტის რა რაოდენობა უნდა შეიძინოს ფერმერმა.
მცენარეთა კვების მოდული- მცენარეთა კვების სქემის შესაქმნელად ფერმერი ავსებს
ნაკვეთის ადგილმდებარეობას და კულტურის შესახებ ინფორმაციას: კულტურა,
გაშენების თარიღი, მცენარეთა რაოდენობა 1-ჰა-ზე. ნიადაგის ანალიზის არსებობის
შემთხვევაში შეუძლია შეიყვანოს მონაცემები ან შეუკვეთოს ახალი ანალიზი. სისტემა
ავტომატურად ითვალისწინებს ნიადაგის ანალიზის შედეგებს და გვიანგარიშებს სუფთა
ელემენტების რა რაოდენობა ესაჭიროება მოცემული ასაკის მცენარეს სრულყოფილი
კვებისთვის.
ცხრილში ელემენტების ფაქტობრივი რაოდენობა გვიჩვენებს სუფთა ელემენტების
რაოდენობას, რომელსაც ჩვენ სასუქების გამოყენებით ვაძლევთ მცენარეს. ფერმერიც
კვების სქემის შედგენისას ცდილობს ისე აირჩიოს სასუქები რომ ელემენტების
ფაქტობრივი რაოდენობა გაუტოლოს მცენარის მოთხოვნას. ამ გზით შედგენილი კვების
სქემით ფერმერი სწორად უზრუნველყოფს მცენარის გამოკვებას.
DIGITAL.CARTLIS.GE - ის ექსტენციის პროგრამა ფერმერს საშუალებას აძლევს სწრაფად და
მარტივად შეიდგინოს მასზე მორგებული კვებისა და დაცვის სქემები.
2018 წლის 14 ნოემბერს, კომპანია „კარტლისის“ ორგანიზებით ქ. ყვარელში, კოტე მარჯანიშვილის სახელობის თეატრში გაიმართა „მევენახეთა ფორუმი, დარგში არსებულ სიახლეებზე“.
ფორუმში ასევე მონაწილეობას იღებდა კომპანია „კარტლისის“ პარტნიორი ბანკი ბაზისბანკი. აღნიშნული ღონისძიება ემსახურებოდა ახალი პროდუქტის შეთავაზებას, რომელიც შეიქმნა ერთობლივად კომპანია კარტლისთან ერთად, რაც ხელს შეუწყობს ფერმერებს, რათა განავითარონ სოფლის მეურნეობა.
მორიგი შეხვედრა კომპანია კარტლისის მიერ შედგა გარდაბანში მესიმინდე ფერმერებთან ერთად, რომელსაც ასევე ესწრებოდნენ პროფესიულ დუალურ პროგრამაში ჩართული სტუდენტები და სამხრეთ აფრიკიდან ჩამოსული სტუმრები!
საუბარი და თემის გაცნობა მოიცავდა სიმინდის მოყვანის თანამედროვე ტექნოლოგიებს, რომელიც დამუშავებულია კომპანია კარტლისის სპეციალისტების მიერ!
კარტლისთან თანამშრომლობით ფერმერები კმაყოფილები არიან,რადგანაც მათი მოსავალი გაიზარდა 50%-ით.
2018 წლის 10 ოქტომბერს, ანაკლიაში საქართველოს მეთხილეობის დარგის განვითარების ფორუმი გაიმართა,რომლის ორგანიზატორი გახლდათ კომპანია კარტლისი, არსებულ ღონისძეიბაზე განიხილეს ფერმერებთან და სპეციალისტებთან ერთად თხილის კულტურაში არსებული პრობლემები და გამოწვევები. ღონისძიების მიზანი გახლდათ, ფართო საზოგადოება გაცნობოდა საქართველოში მეთხილეობის დარგში არსებული პრობლემებს და განეხილათ მათი გადაჭრის გზები,ასევე ფერმერებმა გაუზიარეს ერთმანეთს კომპანია კარტლისის დახმარებით მიღებული შედეგები და მიღწევები.
სათესლე მასალის წარმოებაში მსოფლიო ლიდერები, ჰოლანდიური კომპანიები Enza Zaden და Bejo Zaden ყოველწლიურად მართავენ ღია კარის დღეებს, სადაც მრავალი ქვეყნიდან ჩასული ფერმერები და აგრონომები ეცნობიან ერთმანეთს უზიარებენ თავიანთ ცოდნასა და პრაქტიკულ გამოცდილებას.
ყოველ წელს, კარტლისი პარტნიორ ქართველ ფერმერებს საშუალებას აძლევს გაემგზავრნონ ჰოლანდიაში, მოინახულონ საცდელ-სადემონსტრაციო ნაკვეთები და დაესწრნონ ტრენინგებს.
კარტლისის გორისა და ქუთაისის ფერმერთა მომსახურების ცენტრში, იაპონური კომპანია “ნიჰონის” თანამშრომელმა, ბიოქიმიკოსმა კურიამა კენიმ ტრენინგები ჩაატარა. იაპონელი მეცნიერი კურამა კედი პრეპარატ “ორტუსის” მოქმედი ნივთიერების გამომგონებელი გახლავთ.ქართველ ფერმერებს ქონდათ უნიკალური შესაძლებლობა უშუალოდ გასაუბრებოდნენ მსოფლიოში აღიარებული პრეპარატის შემქმნელს. ტრენინგის მიმდინარეობისას ფერმერება პრეპარატების “ორტუსის” და “აპლაუდის” შესახებ დეტალური ინფორმაცია მიიღეს. შეხვედრამ კითხვა-პასუხის რეჟიმში ჩაიარა
ლაგოდეხში, სოფელ ჭიაურში, 10 ჰექტარ ფართობზე გაშენებულ თხილის პლანტაციაში დამონტაჟდა წვეთოვანი სარწყავი სისტემა.სისტემა მოწყობილია კორპორაცია «Jain Irrigation Systems Ltd.»-ის ისრაელი, ინდოეთი, აშშ) მიერ წარმოებული ხარისხიანი, თანამედროვე, გამძლე მასალებითა და მექანიზმებით. სისტემა მუშაობს გერმანული წარმოების ტუმბოზე, «Wilo» რომელიც გამოირჩევა უმაღლესი ხარისხითა და გამძლეობით.
საქართველოს, სომხეთის და აზერბაიჯანის ბაზრისთვის, სათესლე კარტოფილის გამოცდა აქამდე რუსეთში, კრასნოდარის მხარეში მიმდინარეობდა. 2016 წლის აპრილიდან, დმანისში, კომპანია კარტლისის კუთვნილ სადემონსტრაციო ნაკვეთზე, ამიერკავკასიის რეგიონისათვის განკუთვნილი კარტოფილის 30 ახალი ჯიში დაითესა. მცენარის ვეგეტაციის მთელი პერიოდის მანძილზე, კარტლისის სპეციალისტები აკვირდებოდნენ და უვლიდნენ საცდელ ნაკვეთს.
კომპანია “კარტლისმა” გურჯაანში ფერმერთა მომსახურების ახალი ცენტრი გახსნა. ცენტრში წარმოდგენილია უმაღლესი ხარისხის, ევროპული და ამერკული წარმოების პესტიციდები, სასუქები და სათესლე მასალა. ადგილზე ფერმერებს შეუძლიათ მიიღონ კვალიფიციური კონსულტაცია სოფლის მეურნეობის სფეროსთან დაკავშირებულ ნებისმიერ საკითხზე.
გურჯაანის ფერმერთა მომსახურების ცენტრი მდებარეობს სოფელ გურჯაანში, ყველაწმინდას ეკლესიის ასახვევთან.
მაღალი ეთიკური და პროფესიული სტანდარტებით ბიზნესის წარმოებისათვის 2011 წ 14 ივლისს ქ.ვაშინგტონში აშშ-ს კონგრესის სოფლის მეურნეობის დეპარტამენტის შენობაში “კარტლის აგროსისტემებს” გადაეცა სპეციალური ჯილდო, როგორც პესტიციდების დისტრიბუტორ საუკეთესო კომპანიას აღმოსავლეთ ევროპის რეგიონში.
[email protected]
+995 32 244 55 42
+995 32 244 55 43
75გ, კოსტავას ქ.,I სართ. თბილისი 0160, საქართველო
