კვების კომპლექსური მონიტორინგი

მცენარეთა კვების კომპლექსური მონიტორინგი წარმოადგენს ერთადერთ ინსტრუმენტს, რომელიც საშუალებას გვაძლევს სწორი დიაგნოზირება გავუწიოთ თუ როგორ ითვისებს მცენარე საკვებ ელემენტებს ნიადაგიდან. ეს პროცესი მოიცავს ინფორმაციის შეგროვებას, რათა შეფასდეს რამდენად ეფექტურია ჩვენს მიერ გამოყენებული კვების პროგრამა.

ფესვთა სისტემის სხვადასხვა სიღრმეზე დაყენებული ლიზიმეტრებით ექსტრაგირებული ნიადაგის ხსნარის ანალიზისა და ფოთლების ანალიზით მიღებული შედეგების შედარება, გვაწვდის ინფორმაციას მცენარის რეალურ კვებით საჭიროების შესახებ.

მცენარეთა კვების კომპლექსური მონიტორინგის მეთოდი გამოიყენება, რათა უზრუნველყოს საკვები ნივთიერებების ოპტიმალური გამოყენება და მინიმუმამდე დაიყვანოს სასუქების არასწორი (ჭარბი ან ნაკლები რაოდენობით) გამოყენება.

ამგვარი კომპლექსური მონიტორინგი შესაძლებელს ხდის შემუშავდეს სწორი კვების სქემა სასოფლო-სამეურნეო კულტურის ფენოლოგიური განვითარების ციკლის ყველა სტადიისთვის, თითოეული ნიადაგი-მცენარე-წყალი სისტემის გათვალისწინებით.

მიზანი: ანალიზისა და მეცნიერულად მხარდაჭერილი გადაწყვეტილებების საფუძველზე მიიღწიოს ოპტიმალური კვების კონტროლი საკვლევ ფართობზე:

• სწრაფად შეფასდეს გამოყენებული კვების პროგრამის ეფექტურობა; თავიდან ავიცილოთ საკვები ელემენტების ანტაგონიზმისა და დისბალანსის პრობლემა; დადგინდეს მოცემული ნიადაგისთვის საკვები ელემენტების ხელმისაწვდომი ქიმიური ფორმა.
• მაღალი ხარისხის პროდუქციის და მაღალი მოსავლის მიღება.
• შესაძლო ეკონომიკური და ფიზიოლოგიური ზემოქმედების შემცირება.