24-25 ნოემბერს, კომპანია “კარტლისის” მხარდაჭერით საქართველოს თხილის მწარმოებელთა ასოციაციის პირველი ყოველწლიური კონფერენცია გაიმართა.კონფერენციას აღნიშნულ სფეროში მომუშავე 400-მდე მცირე და მსხვილი ფერმერი ესწრებოდა. ღონისძიებაზე ასოციაციის ერთი წლის ანგარიში მოისმინეს. საუბარი ასევე შეეხო იმ პრობლემებს, რომელიც თხილის სექტორში დასაქმებულებს გააჩნიათ.
საქართველოში სასათბურე მეურნეობა საკმაოდ განვითარებულია, იგი საშუალებას გვაძლევს არ ვიყოთ დამოკიდებული გარემო პირობებზე და მოვიყვანოთ არასეზონური პროდუქტი.
საქართველოში სათბურის გადახურვისას ძირითადად ვიყენებთ სასათბურე ფირს ე.წ. ცელოფანს, მისი დაბალი ფასის, სითბოს დაბალი გამტარობის, მონტაჟის სიმარტივის, სინათლის გაბნევის მაღალი კოეფიციენტის და სხვა მიზეზების გამო…
კომპანია კარტლისი თანამშრომლობს ევროპულ ბრენდ PLASTIKA KRITIS-თან, რომელიც არის ლიდერი კომპანია ევროპაში სოფლის მეორნეობის დარგში გამოყენებადი ფირების წარმოებით, ძირითადად სათბურის, მულჩის, მოსავლის შესანახი და აუზის გადახურვის სფეროში.
PLASTIKA KRITIS ფირის სისქე არის150-180 მკრ (7ფენა) ექსპლუატაციის სავარაუდო პერიოდი 3-5 წელი(სახეობის მიხედვით). დამცავი საშუალებები: UV, IR , AF , AP.
კომპანიამ რამდენიმე წლის წინ ნანო ტექნოლოგიის გამოყენებით შექმნა სრულიად ახალი და ინოვაციური 8 ფენიანი სათბურის ფირი EVO AC, რომლის სისქეა 180 მიკრონი, ექსპლუატაციის სავარაუდო პერიოდი 6-8 წელი. ზემოთაღნიშნულ ფირში შესაძლებელია ჰაერის შეტუმბვა, რაც აძლევს საშუალებას შეინარჩუნოს სითბო სათბურში უფრო დიდი ხანს და აკონტროლის იგი დღის და ღამის განმავლობაში, არის შუქის უფრო მეტი გამტარი და სხვა ტრადიციული ფირებისგან განსხვავებით საერთოდ არ წარმოქმნის ნისლს სათბურში.
EVO AC არის ძალიან ეფექტური დაბალ ტემპერატურის, სეტყვის, სიცხის, მზის გამოსხივების, ძლიერი ქარის პირობებში და არ მოითხოვს სრულყოფილი მუშაობისთვის სახურავის 30გრადუსიან დახრას.
PLASTIKA KRITIS ფირებს აქვთ შემდეგი დადებითი თვისებები:
1. თერმული ეფექტი
ფირი შეიცავს UV და EVA -ს სპეციალურ კომბინაციას, რომელიც ოსტატურადაა სტრუქტურირებული მასში, რაც შთანთქავს ინფრაწითელ გამოსხივებას და ამცირებს სითბოს დაკარგვას ღამის განმავლობაში. მისი უპირატესობებია:
- დაცვა დაბალი ტემპერატურისგან და ყინვისგან;
- ტემპერატურის ბალანსი დღის და ღამის განმავლობაში;
- სათბურის გათბობისთვის შემცირებული დანახარჯი;
- ადრეული მოსავალი;
- გაზრდილი მოსავლის რაოდენობა და მისი ხარისხი.
2. ანტიწვეთოვანი ეფექტი
ცვარი სათბურში ფერმერისთვის დიდი პრობლემაა. სათბურის შიგნით წარმოქმნილ წვეთებს წყლის კონდენსაციის გამო აქვს ნეგატიური გავლენა მცენარის ხარისხზე და მის ზრდაზე, რადგან ის ამცირებსსათბურში სინათლის შეტანას 15-30% და ზრდის დაავადებების გაჩენის საფრთხეს.
ფირი არის ანტიწვეთოვანი, წარმოქმნილი წვეთები ჩაედინება ფირის გვერდებზე და არასოდეს ეცემა მცენარეს ან ნიადაგს და არ აზიანებს მათ. შედეგად სათბურში შედის მეტი სინათლე და კლებულობს დაავადებების წარმოქმნის საფრთხე.
3. ნისლის საწინააღმდეგო ეფექტი
ფირს ანტიწვეთოვან ეფექტთან ერთად აქვს ნისლის წარმოქმნის საწინააღმდეგო ეფექტიც, რომელშიც ნისლის წარმოქმნა, განსაკუთრებით მზის ამოსვლის და ჩასვლის დროს არის მკვეთრად შემცირებული.
4. გაგრილების ეფექტი
გაგრილების ეფექტი მსოფლიოში სულ უფრო და უფრო აქტუალური ხდება, განსაკუთრებით ისეთ რეგიონებში სადაც მაღალი ტემპერატურა ან ძლიერი მზის სხივებია.
ფირი ისხლიტავს ინფრაწითელ რადიაციას, თავიდან იცილებს ზედმეტ სიცხეს სათბურში.
5. დაავადების კონტროლის ეფექტი
ფირი ამცირებს სათბურში მწერის გაჩენა-გამრავლებას, რაც შესაბამისად ხელს უშლის დაავადებების წარმოქმნას. შედეგად მკვეთრად მცირდება პესტიციდების გამოყენების აუცილებლობა.
სხვა სიახლეები
კომპანია “კარტლისის” და ამერიკული კომპანია “Dupont”-ის ინიციატივით, საქართველოს, 14 ივლისს სოფლის მეურნეობის მეცნიერებათა დოქტორი, მაგარაჩის მევენახეობისა და მეხილეობის ნაციონალური, სასწავლო-კვლევითი ინტიტუტის პროფესორი, ელენა სტრანიჩევსკაია ეწვია. პროფესორი ადგილზე გაეცნო მევენახე-ფერმერების პრობლემებს, რის შემდეგაც, მათ თავისი დიდი ცოდნა და გამოცდილება გაუზიარა. 15 ივლისს კი ელენა სტრანიჩევსკაიამ გორში სემინარი გამართა. როგორც ფერმერებმა აღნიშნეს, შეხვედრა ძალიან საინტერესოდ წარიმართა.
ყვარლის რაიონში, 50 ჰექტარ მიწის ფართობზე დამონტაჟდა პივოტური სარწყავი სისტემა. კონსტრუქციისთვის და ძრავისთვის გამოყენებულია ესპანეთის და აშშ-ს მიერ წარმოებული, თანამედროვე, გამძლე, ხარისხიანი მასალა და მექანიზმები. თანამედროვე, პივოტური სარწყავი სისტემა გამოიყენება მარცვლეულ კულტურაში და საშუალებას იძლევა თანაბრად, ერთგვაროვნად მოვრწყათ ფართობი, ვმართოთ მორწყვის პროცესი და შესაბამისად პროდუქციის ხარისხი და რაოდენობა.
გორში, სოფელ კარალეთში, 2015 წლის 1 თებერვლიდან, ფერმერებს კომპანია კარტლისის ახალი სერვის ცენტრი ემსახურება. გორის სერვის ცენტრმა, გახსნიდან საკმაოდ მოკლე დროში, დიდი ნდობა და პოპულარობა მოიპოვა ფერმერებში. ცენტრში დასაქმებული კვალიფიციური პერსონალი, სოფლის მეურნეობის თანამედროვე ტექნოლოგიებთან დაკავშირებით, ფერმერებს უფასო კონსულტაციებს გაუწევს.
2014 წლის სექტემბერში წყალტუბოს მუნიციპალიტეტის, სოფ. ქვიტირში ფერმერთა მომსახურეობის ახალი ცენტრი გაიხსნა. ამ ცენტრის დანიშნულებაა იმერეთის, სამეგრელოს და გურიის რეგიონების ფერმერებისათვის გახადოს ხელმისაწვდომი არამარტო უმაღლესი ხარისხის მცენარეთა დაცვის საშუალებები, სასუქები და სათესლე მასალა, არამედ დაეხმაროს მათ სოფლის მეურნეობაში მოწინავე, თანამედროვე ტექნოლოგიების დანერგვაში.
კომპანია „კარტლისმა“ გარდაბანის რაიონის სოფელ სართიჭალაში ამერიკული კოპანია „პიონერი“-ს წარმოების ჰიბრიდული სიმინდის მოსავლის აღების პრეზენტაცია გამართა.
ახალგაზრდა ფერმერებისთვის პრაქტიკული გამოცდილების შეძენის მიზნით, კომპანია “კარტლის“-სა და საქართველოს საპატრიარქოს შორის 5 ნოემბერს მემორანდუმი გაფორმდა.
“გახდი ფერმერი”- ამ პროექტის ურთიერთთანამშრომლობის მემორანდუმს საპატრიარქოსა და “კარტლისის” წარმომადგენლებმა ხელის სრულიად საქართველოს კათოლიკოს-პატრიარქის ილია მეორის საერთაშორისო საქველმოქმედო ფონდში მოაწერს. ღონისძიებას ახალგაზრდა ფერმერები და მედიის წარმომადგენლები დაესწრნენ.
კომპანია „აგროუ“-მ ბოლნისის რაონში ხახვის უხვი მოსავალი მიიღო. მოსავალმა საადრეო ჯიშებიდან ერთ ჰექტარზე 50 ტონა, ხოლო საგვიანო ჯიშებიდან ერთ ჰექტარზე 77 ტონა შეადგინა.კომპანიის მენეჯმენტის ინფორმაციით, მათ კომპანია „კარტლისის“ მიერ მოწოდებული სათესლე მასალა ჰქონდათ გამოყენებული, მათ შორის ისეთი ჯიშები როგორებიცაა: დაიტონა, მანასი (Bejo) და ჰელენასი (ENZA). კომპანიაში მიიჩნევენ, რომ ხარისხიანმა სათესლე მასალამ და „კარტლისის“ მიერ გაწეულმა კონსულტაციებმა შედეგი გამოიღო და ცუდმა კლიმატურმა პირობებმა მოსავალზე უარყოფითი გავლენა ვერ მოახდინა.
Pages
On July 14th 2011 in Washington, United States Congress Department of Agriculture Building, “Cartlis Agrosystems” received the special award as best pesticide distributor company in east europe region, for conducting business with high ethic and professional standards.
Contact Us
[email protected]
+995 32 244 55 42
+995 32 244 55 43
75g, Kostava str.,I floor. Tbilisi, 0160, Georgia
Find Us
