სილვანა

სასუქებით უზრუნველყოფა
გამოკვება მიუსადაგეთ ნიადაგის ანალიზს. აზოტი - 240 კგ/ჰა ნიადაგში N-ის შემცველობის ჩათვლით. უმჯობესია 2 ეტაპად შეტანა. კალიუმი - საჭიროებს სრულად გამოკვებას, რადგან მგრძნობიარეა მექანიკური დაზიანებების მიმართ. ყვავილობის წინ დამატებითი გამოკვება ამცირებს მშრალი ნივთიერების შემცველობას და ხელს უწყობს მექანიკური დაზიანებებისადმი მცენარის გამძლეობის გაზრდას.
წინასწარი დამუშავება და დარგვა
მიუხედავად მოსვენების გრძელი პერიოდისა, წინასწარი გაღივება არ არის აუცილებელი. გრილი საცავიდან კარტოფილი გამოიტანეთ დარგვამდე სამი კვირით ადრე. არ ახასიათებს აპიკალური (კენწრული) ღივების გადაზრდა. არ დარგოთ ცივ ნიადაგში ახლადფორმირებული ტუბერების დაზიანების თავიდან ასაცილებლად.  
ვეგეტაცია
ვარგისია ყველა ტიპის ნიადაგისათვის. თანაბარი აღმოცენება უზრუნველყოფს ნერგის ძლიერ განვითარებას. რეკომენდებულია ფიტოფტორას საწინააღმდეგო პროფილაქტიკური შესხურების დროული ჩატარება. გასათვალისწინებელია სილვანას მგრძნობიარობა თამბაქოს ნეკროზის ვირუსის მიმართ.
ფოჩის ჭკნობა და მოსავლის აღება
ღეროს ჩახმობის შემდეგ ტუბერები სრულად მომწიფებულია და ადვილად სცილდება მცენარეს. მწვანე მასის თანაბარი ჩაცვენა ხელს უწყობს მოსავლის აღებას ტუბერების დაჟეჟილობის და მექანიკური დაზიანების გარეშე.
შენახვა
ახასიათებს შენახვის კარგი უნარი არ შეინახოთ 5 გრადუსზე დაბალ ტემპერატურაზე. სწრაფი გაციება და ტემპერატურის ცვალებადობა ხელს უწყობს Phoma-ს სახეობის სოკოვანი ინფექციის განვითარებას. დაიცავით შენახვის ფრთხილი რეჟიმი. ჯიშს აქვს მცირე მიდრეკილება ტუბერებზე განივი ნაპრალების წარმოქმნის (დასკდომის) მიმართ. სილვანა მგრძნობიარეა ვერცხლისფერი ქეცის მიმართ. იზრუნეთ შენახული პროდუქტის სიმშრალეზე, უფრთხილდით კონდენსირებას.