საქართველოს, სომხეთის და აზერბაიჯანის ბაზრისთვის, სათესლე კარტოფილის გამოცდა აქამდე რუსეთში, კრასნოდარის მხარეში მიმდინარეობდა. 2016 წლის აპრილიდან, დმანისში, კომპანია კარტლისის კუთვნილ სადემონსტრაციო ნაკვეთზე, ამიერკავკასიის რეგიონისათვის განკუთვნილი კარტოფილის 30 ახალი ჯიში დაითესა. მცენარის ვეგეტაციის მთელი პერიოდის მანძილზე, კარტლისის სპეციალისტები აკვირდებოდნენ და უვლიდნენ საცდელ ნაკვეთს.
22 აგვისტოს, ახალი ჯიშების მოსავლის აღებას და შეფასებას დაესწრნენ ჰოლანდიური კომპანიის HZPC-ის წარმომადგენლები, სოფლის მეურნეობის სამეცნიერო-კვლევითი ცენტრის თანამშრომლები და დაინტერესებული ქართველი ფერმერები, სომეხ და აზერბაიჯანელ კოლეგებთან ერთად.
HZPC წარმოადგენს მსოფლიო ლიდერს კარტოფილის მოყვანის და სათესლე კარტოფილის წარმოების სფეროში. კომპანია 80-ზე მეტ ქვეყანას ამარაგებს უმაღლესი ხარისხის კარტოფილის სათესლე მასალით.
რუსეთიდან სამეცნიერო კვლევების საქართველოში გადმოტანას საფუძვლად დაედო HZPC-ის და კარტლისის მრავალწლიანი წარმატებული თანამშრომლობა.
სოფლის მეურნეობის სამეცნიერო-კვლევითი ცენტრის წარმომადგენლებმა აღნიშნეს, რომ ჩვენი ქვეყნისათვის, სოფლის მეურნეობის სფეროში ასეთი ტიპის კვლევების წარმოება ძალიან მნიშვნელოვანია.
ჰოლანდიელმა სპეციალისტებმა: რაიან სტეკლენბერგმა, პიტ ბოსმამ, სტივენ კუპერმა და კომპანია კარტლისის თანამშრომლებმა, ერთად შეაფასეს საცდელი ჯიშების მოსავალი. კარტოფილის 30 ახალი ჯიში სათითაოდ შემოწმდა დაავადებების მიმართ გამძლეობაზე. შეფასდა ტუბერების ფორმა, ფერი და ზომა. სპეციალისტებმა ერთობლივად განსაზღვრეს ახალი ჯიშების სავარაუდო პოტენციალი.
ცდების შედეგად გამოვლინდა ამიერკავკასიის რეგიონისთვის პერსპექტიული, რამოდენიმე ახალი ჯიში. ამ ჯიშებით დაინტერესება გამოთქვეს დამსწრე ფერმერებმა.
კარტლისის ხელმძღვანელების ინიციატივით და ჰოლანდიელი სპეციალისტების მხარდაჭერით, აღნიშნული კვლევები შემდეგ წლებშიც საქართველოში ჩატარდება.
პომიდვრის ვირუსგამძლე ჰიბრიდები
20 წელზე მეტია კომპანია ,,კარტლისი“ წარმოადგენს სათესლე მასალის მწარმოებელი კომპანია ,,ენზა ზადენის“ ოფიციალურ წარმომადგენელს საქართველოში.
ენზა ზადენი მრავალი წლის განმავლობაში არის აღიარებული ლიდერი ბოსტნეული კულტურების სელექციაში, წარმოებაში და სათესლე მასალის რეალიზაციაში.
ფერმერული მეურნეობის რენტაბელობა მეტწილად დამოკიდებულია ხარისხიანი სათესლე მასალის შეძენაზე, განსაკუთრებით მნიშვნელოვანია ვირუსრეზისტენტული პომიდვრის სათესლე მასალის შეძენა.
ნაყოფის ანალიზი!
იმ შემთხვევაში, თუ თქვენ გჭირდებათ თქვენი მოსავლის სწორად რეალიზება და მისი ექსპორტირება, აუცილებლად დაგჭირდებათ შემოწმება პროდუქტის პესტიციდების ნაშთზე, რათა უსაფრთხოდ მოხდეს მისი ექსპორტზე გატანა მსოფლიოს სხვადასხვა ბაზარზე!
,,Delphy International” -ის ექსპერტი „კარტლისის აკადემიაში“
აგრარული სექტორი მუდმივად ვითარდება, ინერგება ახალი ტქნოლოგიები და ინოვაციური მიდგომები.
ახალ გამოწვევებზე პასუხი კი, მხოლოდ მუდმივად განახლებული ცოდნითა და გამოცდილებით არის შესაძლებელი.
სწორედ ამიტომ კომპანია ,,კარტლისი“, მუდმივად ატარებს ტრენინგებსა და სემინარებს კარტლისის სპეციალისტებისათვის, როგორც საქართველოში, ასევე საქართველოს ფარგლებს გარეთ.
On July 14th 2011 in Washington, United States Congress Department of Agriculture Building, “Cartlis Agrosystems” received the special award as best pesticide distributor company in east europe region, for conducting business with high ethic and professional standards.
[email protected]
+995 32 244 55 42
+995 32 244 55 43
75g, Kostava str.,I floor. Tbilisi, 0160, Georgia
